Mirë se vini në faqen zyrtare të Gjykatës së Shkallës së Parë të Juridiksionit të Përgjithshëm Elbasan

 

KOMPETENCAT TOKËSORE TË GJYKATËS SË SHKALLËS SË PARË TË JURIDIKSIONIT TË PËRGJITHSHËM ELBASAN

 

Gjykata e Shkallës së Parë të Juridiksionit të Përgjithshëm Elbasan, shqyrton çështje që përfshihen në kompetencën territoriale të Qarkut tё Elbasanit, në fushën e së drejtës civile dhe penale. Veprimtaria e Gjykatës bazohet në Kushtetutën e Republikës së Shqipërisë, në Ligj nr. 98/2016 “Për organizimin e Pushtetit Gjyqësor në Republikën e Shqipërisë” i ndryshuar, Ligjin nr. 96/2016 “Për statusin e gjyqëtarëve dhe prokurorëve në Republikën e Shqipërisë” i ndryshuar, si dhe në ligje e akte të tjera juridike, në fuqi, që normojnë veprimtarinë e Gjykatës, Gjyqtarëve, administratës së Gjykatave, shërbimeve gjyqësore, menaxhimin e çështjeve gjyqësore dhe marrëdhënien e Gjykatës me degët e tjera të pushtetit shtetëror, publikun dhe median. Gjykata e Shkallës së Parë të Juridiksionit të Përgjithshëm Elbasan ushtron kompetencën e saj lëndore në territorin e Qarkut Elbasan, që mbulon përkatësisht bashkitë e mëposhtme: Elbasan,Gramsh, Librazhd, Peqin, Cërrik, Belsh dhe Përrenjas.

Vendndodhja e Gjykatës është në qytetin e Elbasanit me adresё:

“Lagjja “5 Maji”, Rruga “Koço Brisku”, Elbasan, Shqipёri.”

 

INFRASTRUKTURA E GJYKATËS SË SHKALLËS SË PARË TË JURIDIKSIONITTË PËRGJITHSHËM ELBASAN

 

 

Ndërtesa ku ndodhet Gjykata e Shkallës së Parë të Juridiksionit të Përgjithshëm Elbasan është ndërtuar në vitin 2017 dhe përmban 20 zyra gjyqtarësh, 10 zyra të punonjësve administrativë, 10 salla gjyqi (2 penale dhe 8 civile).

Gjykata nuk e ndan hapësirën e ndërtesës me ndonjë institucion tjetër. Prokuroria e Rrethit Gjyqësor Elbasan ndodhet në një ndërtesë bashkëngjitur asaj të Gjykatës, por të ndarë prej saj.

Gjykata i përmbush standardet e projektimit që lidhen me sigurinë dhe/ose shmangien e komunikimit ex-parte (ndodhen hyrje dhe dalje të dedikuara për personelin e Gjykatës, palët dhe/ose të paraburgosurit).Hapësira e shërbimit ndaj publikut është e krijuar sipas standardeve të kërkuara. .

 

  

Burgjet/Strukturat e tjera nën Kompetencën Tokësore të Gjykatës së Shkallës së Parë të Juridiksionit të Përgjithshëm Elbasan

 

Aktualisht nёn Kompetencёn Tokёsore të Gjykatës së Shkallës së Parë të Juridiksionit të Përgjithshëm Elbasan janё 3 Institucione tё Ekzekutimit tё Vendimeve Penale:

• Institucioni i Ekzekutimit të Vendimeve Penale Elbasan, me një distancë të përllogaritur prej 6 km nga ndërtesa e Gjykatës.

• Institucioni i Ekzekutimit të Vendimeve Penale Peqin, me një distancë të përllogaritur prej 30 km nga ndërtesa e Gjykatës.

• Institucioni i Ekzekutimit të Vendimeve Penale Lushnje me një distancë të përllogaritur prej 46 km nga ndërtesa e Gjykatës.

 

  

 

  Tarifë gjyqësore për kërkesë padi standarte ose 1% mbi vlerën e saj
 

 

Njoftime per publikun