Gjykata e Shkallës së Parë të Juridiksionit të Përgjithshëm Elbasan

Procesi Civil Gjyqësor

Kryefaqja Procesi Civil

Çfarë është Procesi Civil?

Procesi gjyqësor civil zhvillohet në përputhje me rregullat e përcaktuara në Kodin e Procedurës Civile. Ai fillon në bazë të investimit që i bëhet Gjykatës nga një person fizik ose juridik. Të investosh Gjykatën do të thotë t'i drejtohesh asaj me një kërkesë e cila quhet padi dhe me të cilën kërkon mbrojtjen e një të drejte ose interesi të ligjshëm, i cili është shkelur ose cënuar nga persona të tjerë.

Paditës: Personi që i drejtohet Gjykatës.    I paditur: Personi i cili ka shkelur ose cënuar të drejtën e pretenduar.

Fazat e Procesit Civil

1

Kontrolli i Legjitimitetit të Palëve

Gjykata kontrollon nëse padia është ngritur nga personi të cilit i përket e drejta dhe nëse është ngritur ndaj atij që ka cënuar apo shkelur të drejtën.

2

Përpjekja për Zgjidhjen me Pajtim

Gjyqtari i fton palët të bisedojnë për të arritur një marrëveshje. Nëse arrihet pajtimi, ai pasqyrohet në procesverbal dhe gjyqtari jep vendim për miratimin e pajtimit.

3

Seanca Gjyqësore dhe Hetimi

Nëse çështja nuk zgjidhet me pajtim, gjykata i fton palët të paraqesin pretendimet e tyre. Në seancë mbahet procesverbal ku pasqyrohen shpjegimet e palëve, provat, vendimet dhe urdhërat e Gjykatës.

4

Vendimi i Gjykatës

Gjykata, pasi dëgjon palët dhe shqyrton provat, merr vendim duke pranuar tërësisht, pjesërisht ose duke rrëzuar padinë si të pabazuar në prova ose në ligj.

5

Ankimi në Gjykatën e Apelit

Palët kanë të drejtë të ankimohen në Gjykatën e Apelit, e cila mund të marrë prova të reja dhe të përsërisë hetimin gjyqësor tërësisht ose pjesërisht.

Llojet e Provave

Sipas Kodit të Procedurës Civile, provat kryesore janë:

Dëshmitarët Shkresat Filmimet & regjistrimet Pohimet e palëve Kqyrja Eksperimenti Eksperti
Sigurimi i provës: Në rast se një provë rrezikon të zhduket, gjykata merr vendim për sigurimin e saj.