PROGRAMI I TRANSPARENCËS
PËR
GJYKATËN ADMINISTRATIVE TË APELIT
HYRJE
Në përputhje me nenin 7 të Ligjit nr.119/2014 “Për të Drejtën e Informimit” është përgatitur Programi i Transparencës për Gjykatën Administrative të Apelit. Ky program përcakton kornizën ligjore të veprimtarisë së autoritetit në kuadër të Ligjit nr.119/2014 “Për të Drejtën e Informimit” (LDI). Ai vlerësohet si një mënyrë konkrete përmes së cilës Autoriteti Publik (këtej e tutje AP) ndërton dhe rrit transparencën në punën e tij institucionale, nën garancinë e LDI. Gjykata Administrative e Apelit do të përditësojë herë pas here Programin e Transparencës, në përputhje me pikën 2 të nenit 5 të LDI.
Informacioni i bërë publik në këtë program synon të bëjë transparencën e veprimtarisë së punës së Gjykatës Administrative të Apelit, nëpërmjet pasqyrimit të detajuar në faqen zyrtare www.gjykata.gov.al si dhe në mjediset e pritjes së publikut. Programi i Transparencës pasqyrohet në rubrika, tekste/përmbajtje, afat kohor për bërjen publike të tij, mënyrën e bërjes publike si dhe strukturën përkatëse e cila prodhon ose administron dokumentin. Në përmbajtje të Programit të Transparencës evidentohet skema e publikimit, e cila pasqyron rubrikat ku adresohet dokumenti në faqen zyrtare në internet. Përveç kësaj, çdo dokument është i aksesueshëm edhe në skemë. Dokumentacioni i bërë publik, do të jetë i përditësuar në formë e përmbajtje.
Faqja zyrtare e Gjykatës Administrative të Apelit është ndërtuar në atë formë që mundëson informacion për publikun pa kërkesë në format lehtësisht të kuptueshëm. Në rubrikat e faqes zyrtare pasqyrohen edhe informacione që karakterizohen nga kufizime të identifikimit të të dhënave personale për shkak të ruajtjes së privatësisë së individëve/subjekteve të të dhënave, etj.
Skema e publikimit paraqitet nëpërmjet tabelës përmbledhëse të evidentuar në këtë program.
VIZIONI: “Një gjykatë transparente që lejon informimin e drejtë dhe në kohë të publikut në përmbushje të detyrimeve që burojnë nga ligji dhe misioni i ekzistencës së saj në shërbim të drejtësisë dhe individit”.
Qëllim 1: Garantimi i të drejtës së publikut për t’u mirëinformuar duke ofruar një informacion të saktë e në kohë të arsyeshme, pa diskriminuar apo penguar marrëdhëniet e Gjykatës me palët ose pjesëmarrësit në gjykim.
Qëllim 2: Krijimi i raporteve të korrektësisë me median për përmirësimin e imazhit dhe rritjen e besimit në publik.
PARIME TË PËRGJITHSHME
Parimet kryesore në të cilat mbështetet Programi i Transparencës së Gjykatës Administrative të Apelit janë:
“E drejta për informim” është e drejtë Kushtetuese e parashikuar në nenin 23 të saj, e aksesueshme nga të gjithë, pa asnjë përjashtim. Klikoni këtu për t’u njohur me Ligjin për të Drejtën e Informimit.
Prezumimi i publikimit maksimal të të dhënave. AP ushtron funksione publike, për rrjedhojë informacioni që rrjedh nga veprimtaria e tij publikohet në përputhje me legjislacionin në fuqi.
Zbatimi korrekt i ligjit dhe dispozitave ligjore që rregullojnë në mënyrë të posaçme veprimtarinë e AP dhe përkatësisht, Ligji Nr. 98/2016 “Për Organizimin e Pushtetit Gjyqësor në Republikën e Shqipërisë”, i ndryshuar, Vendimi nr. 554, datë 29.12.2022 “Për ndarjen me short të ҫështjeve gjyqësore” të Këshillit të Lartë Gjyqësor, Vendimi nr. 171, datë 22.04.2021 “Për miratimin e “Kodi i Etikës Gjyqësore”’ të Këshillit të Lartë Gjyqësor. Ligji nr.9887, datë 10.03.2008 “Për mbrojtjen e të dhënave personale”.
Informacioni përshtatet në gjuhë të qartë e të kuptueshme.
Organ mbikqyrës i procedurave të informimit publik është Komisioneri për të Drejtën e Informimit dhe Mbrojtjen e të Dhënave Personale (këtej e tutje KDIMDP).
Rishikimi i Programit të Transparencës bëhet sipas së njëjtës procedurë, përmes së cilës është bërë miratimi i tij.
Informacioni publik pa kërkesë duhet të jetë:
i plotë;
i saktë;
i përditësuar;
i thjeshtë në konsultim;
i kuptueshëm;
lehtësisht i aksesueshëm;
i pajtueshëm me dokumentet origjinale në posedim të autoritetit publik.
Gjykata Administrative e Apelit jep informacion të detajuar për publikun nëpërmjet:
Faqes zyrtare të internetit www.gjykata.gov.al dhe numrave përkatës të telefonit.
Administratës gjyqësore, e cila, përmes nëpunësve të sekretarisë gjyqësore dhe arkivit, informon personat e interesuar mbi statusin e dosjes gjyqësore, dhe në oraret e shërbimit e kundrejt tarifës përkatëse i pajis ata me dokumentet e kërkuara.
Afishimit të listave të gjyqeve në këndin përkatës në hyrje të gjykatës.
Zyrës së Marrëdhënieve me Publikun dhe Median dhe adresave elektronike zmp.administrativeapelit@gjykata.gov.al e vilma.yzo@gjykata.gov.al .
III. INFORMACIONI QË BËHET PUBLIK PA KËRKESË
Informacioni i lejuar për publikim është shprehimisht i parashikuar në nenin 7 të ligjit Nr.119/2014 “Për të Drejtën e Informimit”. Në përputhje me këtë Program Transparence të miratuar, Gjykata Administrative e Apelit vendos në dispozicion të publikut në faqen e saj të internetit www.gjykata.gov.al dhe në mjediset e pritjes së publikut, kategoritë e mëposhtme të informacionit:
- Strukturën organizative të autoritetit publik.
- Tekstet e plota të konventave që janë ratifikuar, të ligjeve, të akteve nënligjore, të kodeve të sjelljes, dokumente politikash, të manualit ose ndonjë dokument tjetër që ka lidhje me ushtrimin e funksioneve të tij dhe që prek publikun e gjerë.
- Informacion për procedurat që duhen ndjekur për të bërë një kërkesë për informim, adresën postare dhe elektronike për depozitimin e kërkesave për informim si dhe procedurat e ankimit të vendimit përkatës.
- Të dhëna për vendndodhjen e zyrave të autoritetit publik, orarin e punës, emrin dhe kontaktet e koordinatorit për të drejtën e informimit.
- Të dhëna për arsimin, kualifikimet dhe pagat e funksionarëve, të cilët kanë detyrimin për deklarimin e pasurisë, sipas ligjit, strukturat e pagave për nëpunësit e tjerë, si dhe një përshkrim të procedurave të zgjedhjes, kompetencave dhe detyrave të funksionarëve të lartë të autoritetit publik dhe procedurën që ata ndjekin për të marrë vendime.
- Mekanizmat monitorues dhe të kontrollit që veprojnë mbi autoritetin publik, përfshirë planet strategjike të punës, raportet e auditimit nga Kontrolli i Lartë i Shtetit ose subjekte të tjera, si dhe dokumentet që përmbajnë tregues të përformancës së autoritetit.
- Të dhëna për buxhetin dhe planin e shpenzimeve për vitin financiar në vijim dhe vitet e kaluara si dhe çdo raport vjetor për zbatimin e buxhetit. Në ato raste kur autoriteti publik vetëfinancohet nga tarifat e licencave ose çdo formë tjetër e financimit të drejtpërdrejtë nga subjektet e rregulluara prej tij, bëhen publike edhe dokumentet që tregojnë gjendjen e shlyerjes së detyrimeve nga subjektet e licencuara.
-Informacion për procedurat e prokurimit apo procedurat konkurruese të koncesionit/partneritetit publik privat, përkatësisht, sipas parashikimeve të Ligjit nr. 162, date 23.12.2020 “Për prokurimin publik”, dhe të Ligjit nr. 125/2013, “Për koncesionet dhe partneritetin publik privat”, që kryhen për llogari të autoritetit publik, duke përfshirë: listën e kontratave të lidhura, shumën e kontraktuar, palët kontraktuese dhe përshkrimin e shërbimeve apo mallrave të kontraktuara, informacionin për zbatimin dhe monitorimin e kontratave, si dhe udhëzues e politika të ndryshme.
- Informacion për shërbimet që autoriteti i jep publikut, përfshirë standardet për cilësinë e shërbimit, një përshkrim të kategorive dhe formave të ndihmës shoqërore, subvencioneve të dhëna nga autoriteti publik dhe të procedurave për t’i përfituar ato, informacione dhe dokumente që kërkohen shpesh, çdo informacion tjetër që gjykohet i dobishëm nga autoriteti publik.
- Çdo mekanizëm dhe procedurë për bërjen e kërkesave dhe ankesave, në lidhje me veprimet ose mosveprimet e autoritetit publik, procedura, përmes së cilës personat e interesuar mund të paraqesin mendimet e tyre apo të ndikojnë në çfarëdo mënyre tjetër në hartimin e ligjeve, të politikave publike apo ushtrimin e funksioneve të AP, një përshkrim të thjeshtë të sistemit që përdor autoriteti publik për mbajtjen e dokumentacionit, të llojeve, formave të dokumenteve, si dhe të kategorive të informacionit që bëhet publik pa kërkesë.
- AP, gjithashtu, krijon dhe arkivon një kopje digjitale të faqes zyrtare të tij në internet, të plotësuar me informacionin që kërkohet në Programin e miratuar të Transparencës si dhe për metodat, mekanizmat dhe periodicitetin e publikimit të informacioneve publike, të cilat vihen në dispozicion të publikut pa kërkesë.
- Aktet që përmbajnë rregulla, norma apo kufizime të të drejtave dhe lirive themelore të individit, si dhe me efekt të drejtpërdrejtë për ta, bëhen publike me anë të afishimit apo publikimit në faqen zyrtare të internetit brenda 48 orëve prej miratimit të aktit nga AP.
Informacioni i publikuar sipas kësaj skeme përditësohet sa herë ai ndryshon.
- TABELA PËRMBLEDHËSE E PROGRAMIT TË TRANSPARENCËS SË GJYKATËS ADMINISTRATIVE TË APELIT
Kategoritë e informacionit publik pa kërkesë
|
Baza Ligjore e LDI 119/2014 |
Dokumenti/ përmbajtja |
Afati kohor për publikim |
Mënyra e publikimit |
Struktura përgjegjëse |
Përshkrimi i strukturës organizative, funksioneve dhe detyrave të Gjykatës Administrative të Apelit
|
Neni 7/1/a/d |
Stuktura organizative/ Organigrama
Struktura e pagave
Funksionet, detyrat dhe kompetencat e Gjykatës Administrative të Apelit
|
Menjëherë pas botimit në Fletoren Zyrtare
Menjëherë pas miratimit të aktit nga Titullari
|
Në faqen zyrtare të Gjykatës Administrative të Apelit
Në faqen zyrtare, në Rubrikën “Programi i transparencës” |
Administrata e Gjykatës
Drejtuesi i Gjykatës
Zyra e Buxhetit |
Akte ndërkombëtare; ligje; akte nënligjore; dokument politikash; dokument tjetër
|
Neni 7/1/b |
Konventa të ratifikuara
Ligje
Akte nënligjore
Rregullore
|
Pas hyrjes në fuqi |
Në faqen zyrtare, në Rubrikën “Programi i transparencës”/”Kuadri ligjor” |
Gjykata Administrative e Apelit dhe institucione të tjera. |
Informacion për procedurat që duhen ndjekur për të bërë një kërkesë për informim, adresën postare dhe elektronike për depozitimin e kërkesave për informim si dhe procedurat e ankimit të vendimit përkatës
|
Neni 7/1/c/g |
Model kërkese për informacion
Model formular ankese
Adresa postare: Rruga “Ismail Qemali” 9, Njësia Bashkiake nr.2, Tiranë
Orari i shërbimit: E hënë–e Premte Ora 08:00–16:00
Koordinatori për të Drejtën e Informimit: vilma.yzo@gjykata.gov.al
Zyra për Marrëdhëniet me Publikun dhe Median
Email: zmp.administrativeapelit@gjykata.gov.al
|
Pas miratimit të Programit të Transparencës |
Në faqen zyrtare të Gjykatës Administrative të Apelit
Në faqen zyrtare, në Rubrikën “Programi i transparencës”/ ”E drejta për t’u informuar dhe për t’u ankuar” |
Koordinatori për të Drejtën e Informimit i Gjykatës Administrative të Apelit |
Të dhëna për vendndodhjen e zyrave të Gjykatës Administrative të Apelit, orarin e punës, emrin dhe kontaktet e Koordinatorit për të Drejtën e Informimit
|
Neni 7/1/ҫ |
Adresa: Rruga “Ismail Qemali” 9, Njësia Bashkiake nr.2, Tiranë
Orari i shërbimit: E hënë–e Premte Ora 08:00–16:00
Koordinatori për të Drejtën e Informimit i Gjykatës Administrative të Apelit: Vilma Yzo
Email: vilma.yzo@gjykata.gov.al
Tel: 04222 3588
|
Pas miratimit të Programit të Transparencës |
Në faqen zyrtare të Gjykatës Administrative të Apelit, në Rubrikën “Na kontaktoni”
Në faqen zyrtare, në Rubrikën “Programi i transparencës”/ “E drejta për t’u informuar dhe për t’u ankuar”/ “Koordinatori për të Drejtën e Informimit” |
Koordinatori për të Drejtën e Informimit i Gjykatës Administrative të Apelit |
Përshkrim i procedurave të zgjedhjes, kompetencave të funksionarëve të lartë dhe procedura e ndjekjes për marrjen e vendimeve
|
Neni 7/1/d |
Ligji nr. 98, datë 06.10.2016 “Për Organizimin e Pushtetit Gjyqësor në Republikën e Shqipërisë”, i ndryshuar me Ligjin nr.46, datë 23.03.2021
Vendimi nr. 554, datë 29.12.2022 “Për ndarjen me short të ҫështjeve gjyqësore” të Këshillit të Lartë Gjyqësor
Vendimi nr. 171, datë 22.04.2021 “Për miratimin e “Kodi i Etikës Gjyqësore”’ të Këshillit të Lartë Gjyqësor
|
Pas hyrjes në fuqi |
Në faqen zyrtare, në Rubrikën “Programi i transparencës”/ “Kuadri ligjor e rregullator”
|
Stafi Drejtues i Gjykatës |
Mekanizmat monitorues; raporte auditi; dokumente me tregues përformance
|
Neni 7/1/dh |
Ligji 10296, datë 08.07.2010 “Për menaxhimin financiar dhe kontrollin”, i ndryshuar
Ligji nr. 9720, datë 23.04.2007 “Për auditimin e brendshëm në sistemin publik”, i ndryshuar
Ligji nr. 154/2014, datë 27.11.2014 “Për Organizimin dhe funksionimin e Kontrollit të Lartë të Shtetit”
Raport përfundimtar i auditimit dhe rekomandimet nga KLSH
Raport përfundimtar i auditit të brendshëm
|
Pas botimit në Fletoren Zyrtare
|
Në faqen zyrtare, në Rubrikën “Programi i transparencës”/ “Mekanizmat kontrollues dhe monitorues që veprojnë mbi AP”/ “Raporte monitorimi, auditimi”
|
Gjykata Administrative e Apelit
Zyra e Buxhetit |
Buxheti
|
Neni 7/1/e |
Ligji 9936/2008 “Për menaxhimin e sistemit buxhetor në Republikën e Shqipërisë”
Udhëzimi nr. 30, datë 27.11.2011, “Për menaxhimin e aktiveve në sektorin publik”, i ndryshuar
Udhëzimi nr. 9, datë 20.03.2018 “Për procedurat standarte të zbatimit të buxhetit”, i ndyshuar
Raporte për monitorimin e përformancës
|
Pas botimit në Fletoren Zyrtare
Pas miratimit nga Titullari |
Në faqen zyrtare, në Rubrikën “Programi i transparencës”/ “Informacion mbi buxhetin dhe të dhënat financiare të AP”/ “Buxheti, plani i shpenzimeve për vitin financiar në vijim dhe vitet e kaluara”
|
Gjykata Administrative e Apelit
Zyra e Buxhetit |
Informacion për procedurat e prokurimit
|
Neni 7/1/ë |
Ligji nr. 162, datë 23.12.2020 “Për prokurimin publik” |
Pas dërgimit në APP |
Në faqen zyrtare, në Rubrikën “Programi i transparencës”/ “Informacion për procedurat e prokurimit, procedurat konkuruese të koncesionit, partneritetit publik privat”/ “Regjistri i parashikimeve të prokurimit publik”
|
Gjykata Administrative e Apelit
Zyra e Buxhetit |
Shërbimet e Gjykatës Administrative të Apelit për publikun
|
Neni 7/1/f |
Udhëzimi i përbashkët nr. 33, datë 29.11.2014 “Për përcaktimin e tarifës së shërbimit për veprime e shërbime të administratës gjyqësore, Ministrisë së Drejtësisë, Prokurorisë dhe Noterisë
Vërtetime, Ankime, Rekurse, Kopje aktesh/dokumentesh, Kërkesëpadi, Vendime, etj
|
Pas paraqitjes së kërkesës dhe pagesës së tarifës gjyqësore |
Në faqen zyrtare të Gjykatës Administrative të Apelit, në Rubrikën “Informacion”/ “Tarifa gjyqësore
|
Ministria e Drejtësisë dhe Ministria e Financës
Gjykata Administrative e Apelit
Kryesekretaria e Gjykatës |
Paraqitja e mendimeve në hartimin e p/akteve, etj
|
Neni 7/1/gj |
Projekt akte ligjore dhe nënligjore
|
Pas miratimt të ligjit ose projekt aktit
|
Në faqen zyrtare, në Rubrikën “Programi i transparencës”
|
Ministria e Drejtësisë |
Mbajtja e dokumentacionit nga Gjykata Administrative e Apelit
|
Neni 7/1/h |
Ligji nr. 9154, datë 06.11.2003 “Për arkivat” |
Pas botimit në Fletoren Zyrtare
|
Në faqen zyrtare, në Rubrikën “Programi i transparencës”/ “Kuadri ligjor e rregullator”
|
Gjykata Administrative e Apelit
Zyra e Arkivës
Zyra e Protokollit |
Regjistri i kërkesave dhe përgjigjeve, sipas nenit 8 të Ligjit nr. 119/2014 “Për të drejtën e informimit”
|
Neni 7/1/i |
Model kërkese per informacion
Regjistri i Kërkesave dhe Përgjigjeve në format elektronik dhe shkresor, i afishuar në mjediset e pritjes së publikut
|
Pas miratimit të Programit të Transparencës
Pas miratimit të Titullarit |
Në faqen zyrtare të Gjykatës Administrative të Apelit, në Rubrikën “Regjistri i Kërkesave dhe Përgjigjeve”
Në faqen zyrtare, në Rubrikën “Programi i transparencës”/ “Regjistri i Kërkesave dhe Përgjigjeve i përditësuar”
|
Koordinatori për të Drejtën e Informimit i Gjykatës Administrative të Apelit |
Informacione dhe dokumente që kërkohen shpesh
|
Neni 7/1/k |
Njoftime në lidhje me shortin elektronik, data të gjykimeve, shpallje publike, etj
|
Përditësohen |
Në faqen zyrtare të Gjykatës Administrative të Apelit, në Rubrikën “Publikime”
|
Gjykata Administrative e Apelit
|
Informacione të tjera të dobishme
|
Neni 7/1/l |
Lista e avokatëve të Gjykatës
Lista e ekspertëve të Regjistrit Elektronik të Ekspertëve të Ministrisë së Drejtësisë |
Pas miratimit nga Ministria e Drejtësisë
Pas miratimit të Titullarit
Përditësohen |
Në faqen zyrtare të Gjykatës Administrative të Apelit, në Rubrikën “Rreth Gjykatës”
|
Ministria e Drejtësisë
Gjykata Administrative e Apelit
|
- PUBLIKIMI
Në përputhje me këtë Program të Transparencës të miratuar, Gjykata Administrative e Apelit vendos në dispozicion të publikut, në faqen e saj të internetit www.gjykata.gov.al, kategoritë e mësipërme, në një rubrikë të veçantë të titulluar “Programi i Transparencës”.
- MONITORIMI
Komisioneri për të Drejtën e Informimit dhe Mbrojtjen e të Dhënave Personale monitoron zbatimin e Ligjit për të Drejtën e Informimit, duke nxitur parimin e transparencës në punën e autoriteteve publike, veçanërisht duke sensibilizuar dhe informuar për çështje të së drejtës së informimit.
Komisioneri bën rekomandime për autoritetet publike lidhur me konceptimin dhe zbatimin e programeve institucionale të transparencës.
Urdher nr. 611/1 datë 30.11.2022
*Kliko për të shkarkuar